呢排有好多關於社會時事既野想講, 不過長話短說.

1. 五區公投 - 而家個個都係輸家. 呢個行動原本係好, 但係搞果班人實在係烏合之眾, 搞到一塌糊塗. 而家唯一可以輸少d就係推高個投票率, 所以大家一定要投票! 反對公投都好, 投棄票權都要去投, 如果選舉制度同公民意識都輸埋, 我地只係一灘爛泥.

2. 重建居屋 - 反對. 理由同2002年一樣, 當年既理據今日一樣成立. 令市民安居樂業有好多方法, 起居屋係下策.

3. 政改 - 支持. 一言難盡. 而家根本只係面子問題, 我地bargaining power = 0, 肉隨砧板上, 上面話乜我地有得反對咩? 如果我地反都唔反就照單全收, 係落唔到台姐. 所以係咁易反下好啦, 唔好真係否決佢. 否決左我地以後連豬潲都無得食. 記住, 所謂既基本法都係建基於槍炮之上架咋. 如果有一日香港出左咩問題, 國際上唔會有人插手架, we're on our own, 國際舞台上呢d慘劇見唔少啦, 所以香港人唔好做咩傻事呀, 我地祖國無咩做唔出.

4. 功能組別 - 我而家重新思考緊民主係乜野. 最近有個意大利人新搬黎, 同佢都幾好傾, 傾到關於democracy既問題, 佢將democracy貶到一文不值, 然後將意大利同德國既亂子解釋比我聽, 我聽到頭頭是道, 其實英國都唔好得去邊, 然後開始大讚香港既制度同埋生產力. 我開始諗我地而家追求緊既係乜野, 會有d咩可能性同埋以後會點. 我需要一d時間慢慢諗...

5. 我開始覺得我地所嚮往既自由民主富強西方國家其實都係紙老虎. 終於明白點解每次老外評選最喜愛居住亞洲城市都係星加坡, 因為佢地由一個極端走出來, 當然嚮往另一個極端.